Rozeta dhe Havier Dobi janë paraqitur kokë ulur në ambientet e gjykatës së Tiranës ku iu është komunikuar masa e sigurisë arrest në burg. Sanitarja nuk i ka mbajtur as lotët teksa qëndronte u ulur në kafazin prej xhami në Gjykatë.

Ata akuzohen se kanë vjedhur në disa banesa, ndërsa rasti i fundit më 15 dhjetor, në shtëpinë e ish-këshilltares së ish-zëvendëskryeministrit Arben Ahmetaj, Alda Klosi.

Fillimisht u zbulua vjedhja e 120 mijë eurove, ndërsa më pas nga përgjimet në dhomën e paraburgimit në Tiranë u zbulua edhe fshehja e më shumë se 400 mijë eurove, 8500 dollarëve dhe sendeve me vlerë të fshehura në tubin e aspiratorit. /Gazeta Express