Kryetari i Kuvendit të Kosovës, Kadri Veseli ka thënë se seanca e jashtëzakonshme e Kuvendit për dialogun, nuk duhet të jetë një betejë se kush u turpërua e kush fitoi.
Ai tha se nëse vërtetë po mendojnë të gjithë për Kosovën, për sovranitetin e saj, për të ardhmen e vendit, duhet të ulen palët e të ecin përpara.
“Pavarësia e Kosovës e ka veç një kundërshtar, Serbia”, ka thënë ai, duke ftuar të gjitha partitë politike që të ulen dhe të harmonizojnë qëndrimet.
Një bashkëpunim i partive, tha ai, është një mesazh për rininë, ndërmarrësit e Kosovës se vendi do të tejkalojë sfidat dhe do të zhvillohet.
Veseli tha se askush nuk është i interesuar që të bëjë lojëra politike, por të mendojnë për interesat e qytetarëve, të shtetit.
