Ka ndërruar jetë një 72-vjeçar nga Gjilani i cili ishte i prekur me COVID-19.

Ministria e Shëndetësisë ka bërë të ditur se ka ndërruar jetë një 72-vjeçar nga Gjilani, i cili ishte i prekur me koronavirus, shkruan lajmi.net.

Sipas njoftimit, 72-vjerçari me inicialet Z.I., ishte i shtrirë në Njësinë e Kujdesit Intensiv të Klinikës së Infektives.

Vdekja e 72-vjeçarit gjilanas e ka çuar në shtatë numrin e përgjithshëm të vdekjeve në Kosovës, përderisa numri i përgjithshëm i të prekurve në vend është 224, ndërkaq 37 persona kanë arritur që të shërohen nga virusi COVID-19.

Njoftimi i plotë i MSH-së, pa ndërhyrje:

Klinika Infektive e QKUK-së ka njoftuar sonte se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti  Z.I, i lindur më 1948 nga komuna e Gjilanit, i diagnostikuar me COVID 19.

Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese.

Kjo është vdekja e shtatë nga Covid-19 në Kosovë.