Një ngjarje e rëndë ka ndodhur sot në rrugën “Ahmet Korenica” në Prishtinë, ku një zyrtar policor është gjetur pa shenja jete.
Viktima e këtij rasti është polici 47-vjeçar, Alban Tolaj.
Lajmi është konfirmuar edhe nga Policia e Kosovës, të cilët kanë bërë të ditur se dyshohet se polici është vetvrarë.
Mëgjithatë, në përgjigjen e Policisë thuhet se po vazhdojnë hetimet për vdekjen e viktimës, duke shqyrtuar të gjitha aspektet për zbulimin e rrethanave të rastit.
“Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor.
Për rastin ka reaguar edhe familjarja e tij Ana Tolaj,
Postimi i saj:
Ndarja e papritur e kushëririt dhe mikut tim të dashur, Alban Tolaj, më ka mbushur me pikëllim të thellë. Ai ishte një njeri që unë e respektoja dhe e çmoja shumë, dhe lidhja jonë familjare e ngushtë e forconte edhe më tej respektin tonë të ndërsjellë. Albani ishte një djalë i besueshëm dhe i ndershëm, i përkushtuar për të shërbyer vendin e tij me pastërti e nder. Ai ishte i njohur për mirësinë e tij dhe aftësinë e tij për të vlerësuar dhe nderuar çdo individ që ai takoi. Lajmi i vdekjes së tij më ka tronditur thellësisht. U shpreh ngushëllime të sinqerta familjes së tij dhe shoqërisë së tij.
Pusho në paqe vëlla, do të kujtojë gjithmonë me krenari 😔🙏
