Jennifer Lopez ka folur për marrëdhënien e saj të trazuar me të ëmën, Guadalupe ‘Lupe’ Rodriguez, duke pretenduar se ishte ‘rrahur’ si fëmijë.

“Ajo (Rodriguez) bëri atë që duhej të bënte për të mbijetuar, dhe kjo e bëri atë të fortë, por gjithashtu e bëri edhe më të ashpër”, thotë ylli i muzikës pop në një pjesë nga dokumentari i ri i Netflix, “Halftime”.

Rodriquez shfaqet gjithashtu në film, duke pranuar se është treguar e ashpër me Lopez dhe dy motrat e saj, Leslie dhe Lynda. Emigrantja nga Porto Riko rriti tre vajzat e saj në Bronx së bashku me të burrin, David, me të cilin më vonë u divorcua.

“Unë gjithmonë kisha pritshmëritë më të larta prej tyre. Nuk ishte të isha kritike. Ishte vetëm për t’ju treguar se mund të bënit më mirë”, thotë Rodriguez në një skenë. “Jennifer, për të ju treguar të vërtetën, ka qenë më e vështirë”.

Lopez u largua nga shtëpia në moshën 18-vjeçare pas një sërë mosmarrëveshjesh me nënën e saj për planet e saj të së ardhmes.

JLo pranoi se nuk po i kushtonte vëmendje shkollës, pasi ishte më e përqendruar në aktivitete të tjera.

Jennifer Lopez dhe nëna e saj (Foto: Getty Images)

“Mamaja ime tha: Nëse do të jetoni në këtë shtëpi, do të mësoni”, kujton Lopez. “Ne u grindëm keq një natë dhe unë u largova”.

Rodriguez deklaroi se ka dëshiruar gjithmonë që tre vajzat e saj të arsimohen në mënyrë që të mos varen nga burrat.

Jennifer Lopez dhe nëna e saj (Foto: Getty Images)

Në dokumentarin e ri, Lopez e përshkruan nënën e saj si një person “të komplikuar”, por që tani kanë një marrëdhënie shumë më të mirë.