Dy vëllezër nga Dragashi kanë vdekur nga koronavirusi.

Familja e Shemsedin dhe Avdurrahim Qafleshit brenda tri ditësh janë përballë me dy tragjedi të njëpasnjëshme, ku këta dy vëllezër nuk arritën ta fitojnë betejën me Covid-19, shkruan Reporteri.

Lajmi është bërë i ditur përmes një njoftimi nga komuna e Dragashit.

“Shtabi Emergjent në komunën e Dragashit shpreh ngushëllime, me rastin e ndarjes nga jeta të vëllezërve Shemsedin dhe Avdurrahim Qafleshi

Me pikëllim të thellë e morëm lajmin e kobshëm për ndarjen e parakohshme nga jeta të vëllezërve nga Bellobradi, Shemsedin dhe Avdurrahim Qafleshi të prekur nga Covid-19.

Ngushëllime të sinqerta familjes, miqve të të ndjerve, shokëve dhe gjithë qytetarëve. Ju qoftë i lehtë dheu i Kosovës”, thuhet në njoftim.

Në media u raportua se ata kanë qenë të moshës 60 dhe 57 vjeçare. Vëllezërit Qafleshi kanë ndërruar jetë brenda tri ditësh diferencë nga njëri tjetri.

Kujtojmë se javëve të fundit ka rënë dukshëm numri i viktimave dhe rasteve të reja me Covis-19 në Kosovë.