Presidenti i vendit, Hashim Thaçi e ka përshëndetur nga Shtetet e Bashkuara të Amerikës, takimin e sotëm mes dy qeverive shqiptare.
Thaçi përmes llogarisë së tij në Facebook, ka thënë se takimet e tilla mes Qeverisë së Kosovës dhe Qeverisë së Shqipërisë kanë rol të veçantë në interesat strategjike të të dyja shteteve, përcjell lajmi.net.
Ndërsa vendimet e sotme të marrëveshjeve Thaçi i konsideron hap progresiv drejt arritjes së rrugëtimit euroatlantik.
Postimi i plotë:
Mbledhjet ndërmjet Qeverisë së Kosovës dhe Qeverisë së Shqipërisë janë shumë të rëndësishme për bashkërendimin e prioriteteve dhe interesave strategjike të shteteve tona. Vendimet e sotme të dy qeverive janë një hap tjetër i rëndësishëm drejt arritjes së synimeve tona strategjike për bashkimin e shqiptarëve nën ombrellën e Bashkimit Evropian. Këto dhe vendime tjera do të ndikojnë në largimin e barrierave për qytetarët dhe rritjen ekonomike bazuar në vlerat e Bashkimit Evropian. HTH
