Presidenti i Republikës së Kosovës, Hashim Thaçi do të raportojë sot para kabinetit qeveritar. Presidenti Thaçi sot në orën 11:30 do të raportojë para Kryeministrit dhe ministrave për takimin e të dielës së kaluar në Bruskel me homologun e tij serb, Aleksandar Vuçiq.
Këtë e kanë konfirmuar për KALLXO zyrtarë të zyrës për media të Kryeministrisë.
Kjo nuk është hera e parë që Thaçi i drejtohet Qeverisë së Kosovës. Ai kishte folur edhe për 10 vjetorin e pavarësisë para kabinetit qeveritar, praktikë kjo jo e shpeshtë në Kosovë.
Lidhur me këtë takim, dje Thaçi i ishte drejtuar medieve në një konferencë.
