Presidenti i Kosovës, Hashim Thaçi, ka deklaruar se dialogu Kosovë-Serbi ka kuptim vetëm nëse diskutohet njohja reciproke.

Ai ka vlerësuar se nëse kjo nuk ndodh, atëherë ky proces do të jetë në favor të Serbisë.

“E kam theksuar edhe më herët, ky dialog ka vetëm një kuptim, nëse propozimi për njohje reciproke hidhet në tavolinë, përndryshe është krejt i pakuptimtë, krejt i panevojshëm dhe është i dështuar dhe në favor të Serbisë, si i tillë si po zhvillohet”, ka deklaruar  Thaçi.

Këto komenti, shefi i shtetit i i ka bërë pas homazheve me rastin e 31-vjetorit të rënies së heronjve të kombit Afrim Zhitia dhe Fahri Fazliu.