Shefi i Grupit Parlamentar të PDK-së Abelard Tahiri ka deklaruar se gjatë ditës së enjte të kësaj jave në Kuvend në rend ditë do të jetë miratimi ose jo për tërheqjen e parave nga Trusti.

“Te enjten, në seancën e Kuvendit do të jetë në rend dite miratimi i kësaj kërkese. Ftoj deputetët që të reflektojnë përballë kësaj kërkese të qytetarëve dhe ta miratojnë të njëjtën”, ka shkruar Tahiri.

Sipas tij “tërheqja e një pjese të mjeteve nga TRUST-i, nuk ka qenë kërkesë e PDK-së si zgjidhje politike, por kërkesë e qytetarëve, të cilët, përballë një gjendje të renduar sociale e inflacioni rrënues dhe një qeverie të paaftë për të ofruar alternativë, kanë dashur dhe duan të kenë qasje në së paku një pjesë të parave të veta.”