Kuvendi i Kosovës në dhjetor të vitit të kaluar votoi projektligjet për transofrmimin e Forcës së Sigurisë së Kosovës në Ushtri, përcjell “Bota sot”.
Me transformimin e Forcës së Sigurisë së Kosovës (FSK) në ushtri gjithashtu do të rritet edhe numri i pjesëtarëve të kësaj force.
Një gjë të tillë e ka konfirmuar komandanti i Forcës së Sigurisë së Kosovës (FSK), gjenerallejtënant Rrahman Rama, i cili ka bërë me dije se ushtria e Kosovës do t’i ketë 8 000 pjesëtarë, 5 000 pjesëtarë aktivë dhe 3 000 rezervë.
Ndërsa, në rrjetet sociale është duke qarkulluar një fotografi ku shihen tri femra që janë pjesë e Forcës së Sigurisë së Kosovës (FSK).
Janë dyqind e gjashtë femra që mbajnë të veshur uniformën e Forcës së Sigurisë së Kosovës. Prej tyre ka me grada kolonele, nënkolonele, majore, kapitene, etj.
ImageFoto galeri
Ndërsa, kujtojmë se me transformimin e FSK-së në Ushtri, uniformave të reja do t’u shtohet edhe një shkrim përmbi emblemë ku shkruan “Kosova”.
