Komuna e Prishtinës sot nis zyrtarisht aktivitetin “Akull n’Verë”, i cili do të mbahet nga 15 korriku deri më 15 gusht të këtij viti.

Komuna sot do të organizojë ndezjen e dritave për hapjen zyrtare të këtij aktiviteti.

Komuna do të ofrojë mundësi për freski nën qiellin e hapur të Prishtinës dhe përformanca artistike për të gjithë qytetarët, bashkatdhetarët dhe miqtë e Prishtinës përgjatë një muaji.

Me rastin e hapjes së aktivitetit do të performojë grupi Offchestra.

Me këtë aktivitet do të synohet që të mbështeten bizneset e vogla gastronome dhe artistët, si pasojë e dëmeve që u janë shkaktuar nga pandemia.

30 biznese janë përzgjedhur si fituese për shtëpiza për aktivitetin “Akull n’Verë”.