Situata aktuale e sigurisë, na tregon se organet shtetërore duhet të ndërmarrin hapa në krijimin e sistemit të menaxhimit emergjent në shëndetësi! Gjendjet e jashtëzakonshme, terrorizmi, fatkeqësitë natyore, paraqiten befas dhe mund të shkajtojnë pasoja të rënda. Reagimi i shpejtë dhe i organizuar, shpëton jetë. Në gjendje të jashtëzakonshme nuk kemi luksin dhe mundësitë për dërgim të një numri të madh të personave në shërim jashtë vendit!
Disa nga masat dhe punët të cilat duhet të ndërmerren sa më parë që të jemi më të sigurtë;
Ndërtimi i Qendrës/Repartit për trajtimin e djegieve të rënda në QKUK;
Ndërtimi i Qendrës së Helmeve apo Institutit Toksikologjik;
Themelimi i Qendrave Operative ndërlidhëse për menaxhim të situatave në çdo spital rajonal dhe Institut Mjekësor;
Krijimi i databazës së vullnetarëve profesionist mjekësor të cilët do të thirreshin për shërbim në rast të krizave;
Furnizimi i rregullt dhe caktimi i rezervës bazike në barnatoret e SHSKUK-së dhe QKMF-ve.
Mirëmbajtja e rregullt e sistemit teknik dhe sigurisë në objektet shëndetësore ( mbrojtja nga zjarri, alarmimi, reagimi i organizuar, higjiena, mbrojtja nga infeksionet etj).
Lorik Lipoveci, njohës i çështjeve të sigurisë dhe emergjencave civile.
