Ish-deputeti ukrainas, Illya Kyva, raportohet se është vrarë në Rusi. Ai njihej për qëndrimet pro-ruse. Pas vrasjes së tij raportohet se qëndrojnë shërbimet ukrainase.

Burimet brenda organeve të sundimit të ligjit në Ukrainë i thanë Radios “Evropa e Lirë” të mërkurën se Shërbimi i Sigurisë i Ukrainës (SBU) “e likuidoi” ish-deputetin Kyva duke e qëlluar për vdekje gjatë një operacioni special.

Komiteti Hetues i Rusisë më vonë e konfirmoi vdekjen e Kyvas dhe njoftoi se kishte nisur një hetim për këtë rast.

Ky organ hetues tha përmes një deklarate se njëperson i panjohur e qëlloi me armë Kyvan në fshatin Suponevo të rajonit të Brianksut, në jugperëndim të Moskës dhe se ai “vdiq nga lëndimet në vend”.

Andriy Yusov, zëdhënës i inteligjencës ushtarake të Ukrainës, tha në televizion se Kyva ishte “i kryer”, duke shtuar se “fati i njëjtë do të bjerë mbi tradhtarët e tjerë të Ukrainës dhe mbi bashkëpunëtorët e regjimit të Putinit”.

Zëdhënësi ukrainas nuk tregoi se kush qëndron prapa vdekjes së ish-deputetit, por tha se “drejtësia merr forma të ndryshme”.

Kyva ishte i njohur për qëndrimin e tij pro-rus. Një gjykatë në Lviv të Ukrainës muajin e kaluar e dënoi atë në mungesë me 14 vite burgim, pasi e kishte shpallur fajtor për tradhti të lartë.

Pas fillimit të pushtimit rus të Ukrainës në shkurt të vitit 2022, Kyva kishte shkuar në Rusi, ku kishte marrë pjesë në programe televizive e në diskutime në tryeza tërum rbullakëta me përmbajtje pro Kremlinit.

Të mërkurën u raportua për vdekjen edhe të njëukrainasi tjetër që kishte bashkëpunuar me Rusinë, Oleh Popov, ligjvënës në rajonin Luhansk të pushtuar nga Rusia. Popovi u vra nga një mjet shpërthyes që u aktivizua në veturën e tij në qytetin Luhansk.