Më herët u raportua se presidenti amerikan Joe Biden kishte miratuar planet për të trajnuar pilotët ukrainas për aeroplanët luftarakë F-16 të prodhimit amerikan dhe tani një zyrtar i lartë ka thënë tani se SHBA-ja dhe aleatët e saj po planifikojnë që t’ia ofrojnë dikur këta aeroplanë Ukrainës.

Zyrtari tha për NBC News se masa është pjesë e një përpjekjeje për të forcuar sigurinë afatgjatë të Ukrainës, transmeton Telegrafi.

Ata gjithashtu vunë në dukje se aeroplanët F-16 nuk do të vinin domosdoshmërisht nga SHBA-ja.

Ende nuk dihet se kur Ukraina do të furnizohet me F-16 dhe nga cilat vende do të vijnë.

“Diskutimet rreth përmirësimit të forcës ajrore ukrainase pasqyrojnë angazhimin tonë afatgjatë për vetëmbrojtjen e Ukrainës”, tha zyrtari i lartë i administratës.

Trajnimi, sipas zyrtarit, “do të zhvillohet jashtë Ukrainës në vende në Evropë dhe do të duhet muaj për t’u përfunduar”.