Deputeti i Vetëvendosjes, Adem Mikullovci pati një ankesë ndaj kreut të Kuvendit, Kadri Veseli, në seancën e sotme.
Mikullovci, i cili është deputeti më i vjetër në Kuvendin e Kosovës, u ankua se nuk po i kupton pikat e rendit të ditës, pasi Veseli po i lexon shumë shpejt.
“Sen s’po ju kuptoj, po lexoni shpejt, nuk po e di çka po votoj”, tha Mikullovci.
Kjo kritikë iu duk e lezetshme deputetëve të cilët plasën në të qeshura, ndërkaq, kreu i Kuvendit e falëndëroi Mikullovcin që ia dha këtë vërejtje e tha se do të ketë kujdes në leximin e pikave të rendit të ditës.
