Presidenti i Parë i Republikës së Kosovës, Fatmir Nexhmi Sejdiu, ka përfituar me kërkesën e tij shtetësinë shqiptare. Bashkë me ish-presidentin, shtetësinë e ka marrë edhe gruaja e tij Nezafete Sejdiu dhe djali Bardhyl Sejdiu.
Dhënia e shtetësisë shqiptare i është akorduar edhe ish-kreut të parlamentit dhe ish-presidentit në detyrë të Kosovës, Jakup Januz Krasniqi. Ashtu si Sejdiu, dhënia e shtetësisë për Krasniqin është dekretuar pas kërkesës së tij, së bashku me anëtarët e familjet, gruan dhe tre fëmijë.
Pasaporta shqiptare kanë marrë ndërkohë shumica e politikanëve, sportistëve dhe njerëz të artit dhe medias kosovare.
Ende nuk ka një statistikë zyrtare, por dhënia e shtetësisë shqiptare për shtetasit e Kosovës është në rritje të dukshme.
