Kancelari gjerman, Olaf Scholz ka ritheksuar thirrjen që Kosova dhe Serbia të zbatojnë marrëveshjen, gjatë një konference për media së bashku me Presidentin e Serbisë, Aleksandër Vuçiq, pasi vizituan së bashku selinë e Administratës Minierale të Saksonisë për të diskutuar mbi shfrytëzimin e litiumit.
“Është e rëndësishme që njerëzit në rajon të mbajnë marrëdhënie të mira fqinjësore. Kjo para së gjithash ka të bëjë me marrëdhëniet ndërmjet Serbisë dhe Kosovës. Ne po punojmë për të ofruar mbështetje për të dyja palët. Ka një marrëveshje për të cilën është rënë dakord dhe që duhet të zbatohet,” tha Scholz, raporton N1.
