Vetëm gjatë muajit qershor janë sekuestruar sasi të mëdha narkotikësh nëpër disa operacione të kryera në kolakcine të ndryshme, ka bërë të ditur nga Policia e Kosovës përmes një konference për media.

Kolonele Florie Hajra ka thënë se javën e fundit të muajit qershor policia kanë kryer dy operacione, njërin në Prishitnë dhe tjetrin në Ferizaj, ku janë arrestuar shtatë persona të dyshuar dhe janë konfiskuar 136 kilogramë mariuhanë, raporton GazetaProjekti

“Rasti i fundit ka qenë dje (30 qershor), rreth orës 18:40, në rrugën magjistrale Prishtinë-Podujevë, saktësisht në fshatin Lluzhan. Policia ka ndaluar tri vetura të dyshuara për blerje, posedim dhe shpërndarje të paautorizuar të narkotikëve”.

Ajo gjithashtu ka potencuar se gjatë kontrollit, në njërën nga veturat janë gjetur tetë paketime të mbushura me marihuanë që peshojnë 81 kilogramë e gjysmë. Lidhur me këtë rast janë arrestuar tre persona.

“Në rastin tjetër të zhvilluar gjatë javës së kaluar (24 qershor), rreth orës 20:00, janë konfiskuar rreth 108 kilogramë marihuanë dhe janë arrestuar nëntë persona të dyshuar në një depo në afërsi të udhëkryqit të Janjevës”.

“Në konsultim me prokurorin special, Policia në Ferizaj ka konfiskuar edhe 55 kilogramë e gjysmë marihuanë dhe ka arrestuar katër persona të dyshuar. Të dyshuarit janë dërguar në mbajtje me urdhër të prokurorit”, ka përfunduar Hajra.