Qeveria e Kosovës në mbledhjen e sotme e ka iniciuar Projektligjin për Mbrojtjen e Produkteve Themelore.

Kryeministri Albin Kurti ka thënë se ky projektligj duhet të miratohet sa më shpejt, duke marrë parasysh situatën në vend me shtrenjtimin e çmimeve të produkteve themelore.

“Po përditësojmë agjendën legjislative që të hartojmë rregulla që do ta mbrojnë qytetarin nga vendosja e çmimeve të papërballueshme në sigurimin e furnizimit të ushqimit në produktet bazë.

Për të adresuar gjendjen e krijuar në treg është e pashmangshme që projektligji për mbrojtjen e furnizimit me produktet themelore të hartohet sa më parë, konkretisht deri në fillim të muajit gusht, natyrisht të këtij viti”, ka thënë ai.