Cristiano Ronaldo është dënuar me dy vite burg me kusht dhe është gjobitur me 18.8 milionë euro, pasi ka arritur marrëveshje me autoritetet spanjolle duke i pranuar akuzat për shmangie të tatimeve, raportojnë mediat spanjolle.
Gazeta spanjolle “El Mundo” raporton se Ronaldo, i cili momentalisht gjendet me ekipin kombëtar të Portugalisë në Kupën e Botës në Rusi, është pajtuar ta paguajë gjobën e madhe për katër shkelje tatimore, si dhe dënimin me dy vite burg me kusht, transmeton Gazeta Express.
Megjithatë, ligji spanjoll thekson personat që e kryejë për herë të parë një krim të tillë mund të kryejë atë me kusht, që nënkupton se Ronaldo nuk do t’i vuajë dy vite burg prapa grilave përderisa nuk e përsërit atë gjatë kësaj kohe.
Ronaldo, 33-vjeçar, akuzohet se i ka shmangur 14.7 milionë euro, por i ka mohuar të gjitha akuzat gjatë gjykimit verën e kaluar. Megjithatë, në kuadër të marrëveshjes, raportohet se Ronaldo është deklaruar i fajshëm për akuzat dhe është pajtuar ta rigapuajë një shumë prej 5.7 milionë eurosh të shmangura, plus gjoba shtesë dhe intereset.
Gazeta spanjolle raporton se kjo marrëveshje duhet të nënshkruhet nga drejtori i ri i Agjencisë Tatimore të Spanjës, e cila do të rezultojë në mbylljen e të gjitha procedurave kriminale dhe administrative ndaj tij, edhe pse rasti me Zyrën e Prokurorit Publik prapëseprapë duhet të zgjidhet. /Gazeta Express/
