Ylli do të festojë në Greenwich Village “të tij” në Nju Jork me një festë ekskluzivenë një klub italian.

Edhe pse ai ka zgjedhur Italinë si atdheun e tij të dytë, Nju Jorku është shtëpia e tij e vërtetë.

Robert Anthony Jr. lindi në Greenwich Village më 17 gusht 1943 nga Robert Senior i Abruzzo-s dhe gjak abruzzese (Abruzzo, Itali) dhe irlandeze dhe Virgjinia Admiral me origjinë holandeze. Të dy u takuan në Akademinë e Arteve të Bukura (ajo kishte asokohe njëfarë famë si poete dhe piktore), por ata u ndanë në vitin 1945 kur babai i De Niros, deklaroi homoseksualitetin e tij. Roberti i vogël do të shkojë të jetojë me nënën e tij në Itali por i ka mbajtur marrëdhëniet me të atin gjatë gjithë jetës.

Rritet si një djalë rruge me miqësi të kundërshtuara nga familjarët e tij, nuk është student model, por shpejt zbulon pasionin për aktrimin, duke debutuar në moshën 10-vjeçare në “Magjistari i Ozit” në një shfaqje shkollore.

Përpara se të linte shkollën e mesme, ai tashmë e kishte zgjedhur rrugën e tij, duke ndjekur kurset e Stella Adler, kushtuar metodës Stanislavski dhe më pas studion e famshme të aktorëve të Lee Strasberg.

De Niro i ri pati disa paraqitje në dy filma të Marcel Carne (“Three Rooms in Manhattan” dhe “Les Jeunes Loups “), por në vitin 1963 një regjisor i ri, Brian De Palma e përfshiu atë në një film të vërtetë të pavarur: “The Wedding Party” i cili për shkak të problemeve të censurës, do të dilte vetëm në vitin 1969.

Ai punoi edhe dy herë me De Palma (“Ciao America!” dhe “Hi Mom!”), kaloi  edhe në “rrugën” e Roger Corman për “The Barker clan”, dhe në disa komedi të serisë B.

Më pas me “Bang the Drum Slowly” (1973) nga John D. Hancock ai arrin të tërheqë vëmendjen edhe për kujdesin obsesiv me të cilin studion personazhin, (një lojtar bejsbolli), duke kaluar javë të tëra stërvitje me lojtarët e ligës për të qenë sa më realist në këtë rol.

Për këtë arsye, ai nuk arrin të marrë rolin e Sonny Corleone në “The Godfather”, por Coppola do ta kujtojë atë duke e thirrur për rolin e të riut Don Vito në vazhdimin e sagës shumë të suksesshme.

Për këtë rol ai do të mësojë dialektin siçilian, dhe do ti shpërblehet mundimi pasi arrin të fitojë Oskarin e tij të parë në ’75.

Ndërkohë, megjithatë, në të njëjtin vit 1973, fati (dhe miqësia me de Palmën) i mundësoi atij takimin që i ndryshoi jetën: debutuesi Martin Scorsese, italo-amerikan si ai, i besoi atij rolin kryesor në “Mean Street”, krahas Harvey Keitel.

Dy vjet më vonë të dy De Niro-Scorsese, përsërisin suksesin me “Taxisist” ku për interpretimin e tij të jashtëzakonshëm ai fiton Palmën e Artë në Kanë.

Ashtu si viti 1973, edhe viti 1975 ishte një pikë kthese për aktorin: ai ndërroi shesh xhirimet e Scorseses me ato të Bernardo Bertoluçi i cili e thirri për epikën e tij “Twentieth Century” në rolin e borgjezit Alfredo Berlenghieri. Nga ajo përvojë, lidhja e De Niros me Italinë u konsolidua, më vonë u shenjtërua nga shtetësia e dyfishtë dhe nga vizitat në qytetin e gjyshërve të tij.

Ai u nominua tetë herë për Çmimin e Akademisë, duke e fituar atë në dy raste: në vitin 1975 si aktori më i mirë dytësor në rolin e të riut Vito Corleone në “The Godfather – Pjesa II” dhe në 1981 si aktori më i mirë për rolin e boksierit Jake LaMotta në filmin “Raging Bull”. Performanca e famshme në “Taxi Driver” (1976) nga Scorsese ku u nominua për aktorin më të mirë kryesor. Në vitin 2003 ai u nderua me çmimin Life Achievement Aëard nga Instituti Amerikan i Filmit në shenjë mirënjohjeje për kontributin e tij në historinë e kinemasë dhe në vitin 2020 Çmimin Screen Actor Guild for Lifetime Achievement.

De Niro ka shtatë fëmijë të lindur nga katër gra të ndryshme. Në maj të këtij viti, në fakt, Roberti u bë baba për herë të shtatë në moshën 79-vjeçare. Identiteti i nënës së Gias nuk u bë publik, por do të ishte kampionia e arteve marciale Tiffany Chen, e cila pak muaj më parë u fotografua teksa po dilte nga një restorant me De Niron. Fëmijët e tjerë të De Niros janë Drena, 51 vjeç, dhe Raphael, 46 vjeç, që i ka me ish-gruan Diahnne Abbott,  binjakët 27-vjeçarë Aaron dhe Julian, me ish bashkëshorten Toukie Smith dhe Elliot, 25 vjeç, dhe Helen, 11 vjeç, të lindur nga martesa me Grace Hightower (ata u divorcuan në 2018 pas më shumë se 20 vitesh së bashku).