Nga Muhamet Koci
Keto dite, e lexova nje analize te mrekullueshme per 31-vjetorin e renies së Murit të Berlinit.
Pos tjerash, analiza vinte theksin te veshteresit qe do t`i kete Gjermania e madhe, ne kete boten e re postamerikane.
Ajo qe me boni pershtypje jashtezakonisht shume ne kete tekst, ishte fraza “Tani, rendi global qe e beri te mundur bashkimin e Gjermanise, po zhduket ne horizont”.
Cka do te thote kjo?
Kjo i bije qe po zhduket po ai rend qe beri te mundur edhe clirimin, pavaresimin dhe shtetetndertimin e Kosoves. Rendi qe na dha shansin me kane te barabarte me te tjeret po perfundon, kurse ne ende nuk e kemi perfundu procesin e shtetesise tone. Bota qe udhehiqej nga nje superfuqi(Amerika), e cila karakterizohej me disa parime dhe me nje fryme bashkepunues ne mes shteteve, po ia leshon vendin nje bote kaotike, nacionaliste e pa parime. Ne kete sistem, ku do te dominoj interesi e forca, te voglit e te dobetit do te perballen me veshteresi te medha.
Pra, nje nder kombet me te fuqishme te Evropes (Gjermania) po frikesohet, po shqetesohet, prej ketij rendit te ri e kaotik qe po shihet ne horizont, ndersa Republika e Kosoves, te ciles gati gjysa e botes ia konteson ekzistencen, nuk po i jep pese pare.
Qysh po shihet, ai stabiliteti nderkombetar, qe e mundesonte konsolidimin e brenshem te Kosoves, me nuk po ekziston. Ndoshta, vec me nje unifikim dhe ndergjegjesim te brendshem te spektrit politik, mundemi me i ba ball jostabilitetit te jashtem qe po na rrethon.
Rikthimin e Rusise per t`i rishkru kufijte me force, hutin e BE-se dhe terheqjen e ShBA-se, Serbia as ne andrrat ma ideale s`ka mujte mi pa. Pas dy dekadave, historia ka nis me na e kthy shpinen.
