450 gola në 438 ndeshje – 12 gola më shumë se ndeshje, rekordi që vështirë se do të arrijë ndonjëherë një lojtar tjetër me fanellën e bardhë

Cristiano Ronaldo ka shkruar historinë me Real Madridit dhe do të mbahet mend përgjithmonë si një ndër ikonat më të mira të klubit.

Ai u prezantua në Santiago Bernabéu me 6 korrik në vitin 2009 në krah me Eusebion dhe Alfredo Di Stéfanos, dhe që nga atëherë, ai nuk u ndal së shënuari deri në verën e vitit 2018 kur la Realin pas polemikave të shumta duke u transferuar në Juventus.

Ai, ka shënuar 451 herë në 438 paraqitje me Real Madridin (më shumë se një gol për ndeshje). Këto gola erdhën: 312 në LaLiga, 105 në Champions League, 22 në Copa del Rey, gjashtë në Club World Cup, katër në Spanish Super Cup dhe dy në UEFA Super Cup.

Askush në histori të Realit s’ka shënuar më shumë se ai, që ka fituar me Madridin 16 trofe, e gjithashtu çmime individuale, katër Topa të Artë dhe tri Këpuca të Arta, e shumë të tjera si UEFA Best Player in Europe tre herë, The Best dy herë dhe Pichichin në Spanjë tre herë.

Gjatë nëntë sezoneve në Real Madrid, ai ka thyer shumë rekorde, është golashënuesi më i mirë në histori të klubit në Evropë, 105 gola, në La Liga (312) dhe lojtari i vetëm që ka shënuar tre e më shumë gola 34 herë, po ashtu dhe futbollisti që ka realizuar më shumë në një sezon (61) gola.

Përveç që është golashënuesi më i mirë i të gjitha kohëve në përgjithësi, e po ashtu edhe në La Liga e Champions, ai ka më shumë gola se ndeshje në përgjithësi, në La Liga dhe Champions.

451 gola në total në 438 ndeshje, 292 ndeshje dhe 312 gola në La Liga, pra 20 gola më shumë se ndeshje dhe 105 gola në 101 ndeshje në Champions, 4 gola më shumë se ndeshje – rekorde se vështirë se do t’i thyejë ndonjë lojtar gjatë historisë. 

Gjatë kohës në Madrid ai theu rekorde të shumta, përfshirë edhe atë për gola në një sezon në Champions League (17) dhe gjashtë herë është shpallur golashënuesi më i mirë.

Presidenti Florentino Pérez, me të cilin thuhet se prishi Ronaldo marrëdhëniet dhe u largua, e ka rreshtuar atë përkrah legjendës, Alfredo Di Stéfano.