Gjykata Themelore në Ferizaj e ka dënuar me 17 vjet burg Qëndrim Januzin, vëllain e reperit Buta.
Ai është dënuar për vrasjen e Gazmend Hysenit i njohur si Strella, në qendër të Ferizajt.
Kryetari i trupit gjykues ka bërë të ditur se vepra penale është rikualifikuar nga ‘Vrasje e rëndë’ në ‘Vrasje’.
Për veprën penale “Vrasje”, Januzi u dënua me 16 vjet burgim, kurse për armëmbajtje pa leje me 1 vit e gjysmë burgim. Ndaj tij, Gjykata shpalli dënim unik me 17 vjet burgim.
Të njëjtit i konfiskohet arma në mënyrë të përhershme.
