Siç kishin paralajmëruar edhe pas takimit të mbrëmshëm treorësh, krerët e LDK-së dhe Lëvizjes Vetëvendosje do të takohen edhe sot në përpjekjen e radhës për arritjen e një koalicioni për bashkëqeverisje
Sot do të zhvillihet takimi i tretë radhazi në mes të dy partive pas zhvillimeve të seancës së 26 dhjetorit ku u zgjodh Glauk Konjufca kryetar i Kuvendit të Kosovës.
Pas takimit të mbrëmshëm nga dy partitë kanë dhënë sinjale se ka lëvizje pozitive drejt arritjes së marrëveshjes, ku edhe u raportua se marrëveshja ishte gati dhe postet ministrore tashmë ishin ndarë.
Ndërkohë takimi i sotëm po shihet edhe si vendimtar, ku palët mund të afrojnë edhe më shumë qëndrimet e të shkojnë drejt arritjes së një marrëveshjeje finale.
Pas zgjedhjeve të 6 tetorit, LV-ja ka dalë e para e pasuar nga LDK-ja, ndërkohë për më shumë se tre muaj dy partitë kanë dështuar të arrijnë një marrëveshje për koalicion, edhe përkundër faktit se ishin pajtuar për programin qeverisës. Sot, takimi zhvillihet në orën 15:30, se a do ta merr bekimin Albin Kurti të bëhet kryeministër mbetet të shihet. //GazetaProjekti//
