Është publikuar formacioni zyrtar i Kombëtares së Kosovës për ndeshjen e sotme ndaj Irlandës Veriore, e cila do të zhvillohet me fillim nga ora 20:45.
Kombëtarja e Kosovës sonte do të takohet në stadiumin ‘Fadil Vokrri’ ndaj Irlandës Veriore, në kuadër të xhiros së tretë të Ligës së Kombeve. Mijëra tifozë kosovarë pritet të jenë prezent në stadium dhe të mbështesin ‘Dardanët’ në ndeshjen e tyre ndoshta më të rëndësishme viteve të fundit.
‘Dardanët’ nga dy ndeshjet e para të Ligës së Kombeve kanë arritur të arkëtojnë tre pikë, ku kanë shënuar fitore ndaj Qipros dhe kanë humbur në shtëpi ndaj Greqisë.
Formacioni zyrtar i Kosovës: Samir Ujkani, Donat Rrudhani, Amir Rrahmani, Mirlind Kryeziu, Lirim Kastrati, Florent Muslija, Ibrahim Dresevic, Valon Berisha, Zymer Bytyqi, Milot Rashica, Vedat Muriqi.
