Pas përjashtimit të Agjencisë së Akreditimit të Kosovës nga Regjistri Evropian për Sigurimin e Cilësisë në Arsimin e Lartë, problemi me bord, Kosovës mund t’i kushtoj edhe në sektorin e energjisë, te një mekanizëm i rëndësishëm i Bashkimit Evropian.
Ramush Haradinaj me të ardhur në krye të qeverisë së Kosovës, ndër vendimet e para që kishte marrë, ishte ai i shkarkimit të bordit të Agjecisë së Akredimit. Kjo u konsiderua si ndërhyrje e politike, dhe kjo agjenci u përjashtua nga Regjistri Evropian për Sigurimin e Cilësisë në Arsimin e Lartë (EQAR).
Problem i madh tani e sa kohë po paraqitet edhe në Bordin e Zyrës së Regullatorit të Energjisë, dhe me këtë po ndodhë një shkelje e Kosovës të një mekanizmi të rëndësishëm të Bashkimit Evropian.Gazeta Metro mëson se mungesa e korumit vendimarrës në Bordin e Zyrës së Rregullatorit të Energjisë tash e gati një vit, përveç se e bën këtë institucion jo-funksional përbën edhe shkelje bazike të Traktatit të Komunitetit të Energjisë.
Nga burime brenda Komitetit të Energjise në Vjenë që funksionon si Rregullator i sektorit të energjisë për vendet e BE’së, Gazeta Metro mëson se Sekretariati i Komunitetit të Energjisë disa herë ua ka tëhequr vërejtjen autoriteteve të Kosovës për këtë dhe tani është i gatshëm të nisë procedurë kundër Kosovës për shkeljen e Traktatit të Komunitetit të Energjisë.
Jo-funksionaliteti i Bordit të Zyrës së Rregullatorit të Energjisë, sipas këtij burimi, bllokon procesin e reformimit të sektorit të energjisë në Kosovë karshi direktivave të Bashkimit Evropian. Kjo krijon vonesa për Kosovën drejt përafrimit të kornizës rregullative në sektorin e energjisë me atë të Bashkimit Evropian dhe rrjedhimisht shkakton ngecje në proceset integruese. /gazetametro.net
