Ministri në detyrë i Financave dhe Transfereve Besnik Bislimi ka prezantuar sot Pakon për Rimëkëmbjen Ekonomike pas lehtësimit të masave si pasojë e pandemisë Covid-19.

Bislimi ka bërë të ditur që Pakoja për Rimëkëmbjen Ekonomike do të jetë në vlerë 1.260 miliardë euro e që sipas tij do të ketë shtrirje për 5 vitet e ardhshme.

“Është dizajnuar Pakoja që ka një ndikim të rëndësishëm në ekonomi 1.260 miliardë euro me periudhë plasimi në ekonomi për 24 muaj, kurse me shtrirje të kostos për 5 vitet e ardhshme”, ka thënë ai.