Komuna e Pejës po vazhdon të përballet me mungesën e semaforëve . Përveç mungesës së tyre edhe ata te cilët janë të vendosur nuk janë funksional. Semaforat të cilët ndodhen në qendrën e qytetit të Pejës, në udhëkryqin e rrugës “Mbretëresha Teutë”, nuk janë në funksion tash e 5 vite. Si pasojë e kësaj përveç kolonave të gjata që krijohen nga makinat gjatë ditës po rrezikohet edhe jeta e këmbësorëve.
Megjithatë së fundmi në po këtë rrugë është bërë edhe shtrim i rrugës me asfalt. Problem i cili del të jetë këtu është vendosja e vijave të bardha në kthesë. Sipas standardit vijat e bardha duhet të vendosën më së afërmi 5 metra larg kthesës për të mos i rrezikuar këmbësorët, shkruan Indeksonline.
Ndonëse sipas ekspertëve te komunikacionit thuhet se vijat e bardha janë në rregull dhe brenda standardit pasi ato duhet të vendosen paralel me semaforët.
Mirëpo vendosja e vijave të bardha në atë pozicion, në një anë dhe mosfunksionimi i semaforëve në anën tjetër, del të jetë një problem serioz si për këmbësorët ashtu edhe për shoferët e makinave, për aryse se rruga “Mbretëresha Teutë”, është pika më qarkulluese në qendrën e qytetit.
Në vitin 2015, zëdhënësi i Policisë rajonale të Pejës , Xhevat Ibraj , ka bërë te ditur se mosfunskionimi i semaforëve ka sjellë problemë për vozitësit dhe këmbesorët.
Ndërsa zyrtarët komunal kanë deklaruar se qyteti nuk ka nëvojë për semaforë, qysh nga atëherë nuk ka më reagime nga komuna e as nga kryetari i komunës së Pejës, Gazmend Muhaxheri. /Indeksonline/
