“Të gjithë atyre që ende besojnë se e mbrojtën Serbinë dhe popullin serb në barrikada, dëshirojmë që në 48 orët e ardhshme të hapin sytë dhe të kuptojnë se gjithçka ishte gënjeshtër”, ka thënë mbrëmë Partia e Serbëve të Kosovës pas takimit të presidentit Vuçiq me udhëheqësit e Listës Serbe.

“Një gënjeshtër e drejtuar nga Lista Srpska dhe nënkryetari i saj Milan Radoiçiq”, shtojnë ata.

“Nëse dikush sheh një fitore serbe në dërgimin e një njeriu në arrest shtëpiak, atëherë ai person është i verbër”, thuhet tutje.

“Partia e serbëve të Kosovës shpreson që të gjithë ata që bllokuan lëvizjen normale të qytetarëve në veri dhe i detyruan të dalin në barrikada, do të mbajnë përgjegjësi për këtë. Edhe një herë i bëjmë thirrje Listës Serbe që të mos presin lëvizjet e Prishtinës, por të heqin barrikadat e veta, të cilat dëmtojnë më së shumti drejtpërdrejt serbët në veri të Kosovës”, thuhet ndër të tjera.

Në anën tjetër, sot është raportuar se mund të largohen barrikadat në veri të vendit.