Pamje drithëruese po publikohen në internet pas tërmetit të fuqishëm në Turqi e Siri. Njerëz të gjallë duke u nxjerrë nga rrënojat, të tjerë të pajetë dhe disa që ende kanë mbetur të ngujuar.

Në një video në Twitter, një vajzë e vogël, sipas përkthimit të publikuesit të pamjeve, shihet dhe dëgjohet duke u thënë punëtorëve të shpëtimit në Siri: “Më nxirrni dhe do të bëj çfarëdo që dëshironi, do të bëhem shërbëtorja juaj.”

Pranë saj shihet një djalë edhe më i vogël se ajo, të dy afër njëri-tjetrit, të ngujuar nën rrënoja.

Për fat të mirë, shumë njerëz kanë shpëtuar. Sipas presidentit turk, deri më tani në Turqi janë shpëtuar nga rrënojat më shumë se tetë mijë qytetarë.