Katër persona mbetën të plagosur, dhe tre janë në arrati, pas një përleshje me armë që ndodhi tek diskoteka ‘Duplex’ në Prishtinë, ku i dyshuar kryesor po konsiderohet Astrit Mehmeti i njohur si Llepota. Deri te kjo erdhi, pasi ai nuk u lejua të hyjë në diskotekë.
Mëngjesin e së shtunës në hyrje të lokalit të natës ‘Duplex’ në Prishtinë, disa persona shkrepen plumba në drejtim të njërit tjetra.
Nga shkrepja e rreth 12 plumbave, u plagosën 4 vet. Këta u dërguan në QKUK dhe gjendja e tyre është jashtë rrezikut për jetë.
Lëndimet kanë qenë në ekstremitete. 3 pacientë janë pranuar në Ortopedi, dhe një është i lirum në shtëpi”, ka thënë një zëdhënëse në QKUK.
Siç merret vesh të plagosurit janë sigurim i klubit të natës, ndërkaq drejt tyre dyshohet se zjarr hapi Astrit Mehmti, i shoqëruar nga dy persona të tjerë.
Deri tek kjo erdhi pasi që të dyshuarit, nuk u lejuan të hynin në organizimin e lokalit.
“Në vendngjarje policia ka konfiskuar tri armë të shkurta. Policia ka identifikuar personat e dyshuar dhe është në kërkim të tyre”, kanë konfirmuar nga Policia.
