Gjatë qëndrimit në Senegal, zëvendëskryeministri i parë Behgjet Pacolli ka përfaqësuar Republikën e Kosovës në ceremoninë inauguruese të presidentit të këtij vendi të rëndësishëm.

Ai ka thënë se gjatë takimit me presidentin Macky Sall, në emër të shtetit të Kosovës e falënderoi për mbështetjen e pa rezervë ndaj vendit tonë.

“Kosova dhe Senegali kultivojnë marrëdhënie të shkëlqyera dypalëshe. Ne jemi i vetmi vend në rajon që kemi hapur ambasadën në këtë vend afrikan. E falënderoj ambasadorin Gashi për punën e shkëlqyer në interes të vendit”, shkruan Pacolli në Facebook.