Ish-trajneri i kombëtares shqiptare, Xhani De Biazi pritet që të rikthehet sërish në pankinë pas një periudhe pushimi, ndërsa aventura me Alaveshin nuk përfundoi në mënyrën më të mirë.
Në media kohët e fundit ishte përfolur se tekniku italian po kërkonte një tjetër eksperiencë të re në drejtimin e një Kombëtareje, pas suksesit historik me Shqipërinë, por sipas të gjitha gjasave ai do të përfundojë në Zvicër.
Sipas asaj që raporton “Tuttomercatoweb”, De Biazi ka marrë një ofertë konkrete nga Lugano, ndërsa në këtë moment janë duke u diskutuar vetëm termat financiarë, përpara arritjes së marrëveshjes.
