Një shqiptar është vrarë në Gjermani [Foto]

Një shqiptar është vrarë dhe kushëriri i tij është plagosur në Gjermani. Ngjarja e rëndë ka ndodhur në Wolfsburg të Gjermanisë pas një atentati nga një makinë që u ka kaluar pranë dy të rinjve.

Lajmi bëhet i ditur nga mediat gjermane sipas të cilave viktima është i riu shqiptar Kiedi Pasha. Sipas policisë gjermane, dy shqiptarët mbetën fillimisht të plagosur nga disa të shtëna me armë zjarri , por njëri prej tyre humbi jetën më vonë si pasojë e plagëve të marra.

Nga hetimet e deritanishme, mediat gjermane raportojnë se janë dëgjuar të shtëna nga një makinë. Kjo do të thotë se agresorët kanë qenë përgatitur për këtë atentat.

Një dëshmitarët që kishte parë të gjithë skenën ka thënë: “burrat u qëlluan nga një veturë që po kalonte, ndërsa ata po ecnin në trotuar. E kam dëgjuar të godasë gjashtë herë!”

Deri më tani nuk dihen ende shkaqet e ngjarjes së rëndë ndërsa hetuesit kanë nisur grumbullimin e provave.