Dje, vullnetarë të Qendrës së Lëvizjes Vetëvendosje në Prishtinë kanë vendosur shirita të kuq në rrugët e kryeqytetit. Këtë e bëri të ditur një aktivist i LVV-së, Behar Jashari me anë të një postimi në Facebook.
Jashari tha se po e stolisin qytetin për “festën e madhe”.
“Me vullnetarët e Qendrës së Lëvizjes në Prishtinë, duke stolisur qytetin për festën e madhe”, shkroi dje Jashari.
Lëvizja Vetëvendosje është subjekt politik i njohur për ngjyrën e kuqe. Gjatë qëndrimit në opozitë, ky subjekt politik që nga themelimi është përfaqësuar me simbolet kombëtare (flamurin Kuq e Zi), por gjithashtu edhe ngjyra e simboleve të partisë është e kuqe, shkruan lajmi.net
Por, ngjyra e kuqe e kombinuar me politikën ka një kuptim më të gjerë sesa kaq.
Në politikë, flamuri i kuq është kryesisht simbol i socializmit, komunizmit, marksizmit, sindikatave, politikës së majtë dhe historikisht të anarkizmit; ajo është shoqëruar me politikën e majtë që nga Revolucioni Francez.
E kuqja ishte ngjyra e Revolucionit Rus në 1917. Bolsheviku, pikturë nga Boris Kustodiev në vitin 1920. Ishte gjithashtu edhe flamuri i Bashkimit Sovjetik (1923-91). Shqipërisë komuniste, Republikës Popullore të Kinës, Unionit Sovjetik e të tjera.
