Në bazë të vendimit për kufizimin e lëvizjes si pasojë e gjendjes së emergjencës shëndetësore në Kosovë, Ministria e Shëndetësisë e ka publikuar orarin e ri për qarkullim të qytetarëve nga data 27 deri më 30 prill 2020.

Ky orar, sikurse edhe oraret e mëparshme, aplikohet duke u bazuar në shifrën e parafundit të numrit personal në letërnjoftim.

Vendimi për kufizimin e lëvizjes së qytetarëve në 90 minuta u mor nga Ministria e Shëndetësisë më 14 prill, si masë preventive për parandalimin dhe kontrollin e përhapjes së koroanvirusit.

Sipas këtij vendimi të MSH-së, gjoba për persona fizikë nëse e shkelin këtë vendim është prej 1,000 deri në 2,000 euro dhe prej 3,000 deri në 8,000 euro për personat juridikë. 

Në Kosovë janë konfirmuar 731 raste pozitive me koronavirus, 165 prej të cilëve janë shëruar dhe 20 të tjerë kanë ndërruar jetë.