Spektakli i radhës për nder të Nënës Tereze është mbajtur në Tiranë, nën moton “Nënë Tereza shqiptarja e gjithë botës.” Shkruan Gazeta Projekti.
Ky event u organizua për të nderuar figurën dhe veprën humanitare të Nënës Tereze, një ikonë e paqes dhe dashurisë për njerëzimin. I udhëhequr nga Sokol Guga dhe Matilda Mcini, mbrëmja ishte mahnitëse në çdo aspekt duke prezantuar shqiptarë të sukseshëm dhe personalitete nga bota shqiptare.
Gjatë spektaklit, shumë personalitete dhe biznesmenë të njohur u vlerësuan për kontributin e tyre në fushën e humanizmit dhe ndihmën për komunitetet në nevojë. Ndër të vlerësuarit ishte edhe Krist Nikolla, një biznesmen i suksesshëm me bazë në Zvicër.
Ai u dallua për angazhimin e tij në projekte humanitare, duke dhënë shembull të përkushtimit dhe kontributit të madh në përmirësimin e kushteve të jetesës për njerëzit në nevojë. Po ashtu, Nikolla ka lënë gjurmë në biznesin e patundshmërive duke ngritur lartë emrin NK5 Imobilien AG”.
Ky spektakël shërben si një urë lidhëse mes humanizmit dhe biznesit, duke theksuar rëndësinë e solidaritetit dhe ndihmës për ata që janë më të dobët.
