Kompania TehnoBurimi ka filluar punën për ndërtimin e një fabrike tjetër madhështore që do të mbuloj mbi 80000 metra katrorë duke ofruar një teknologji moderne të prodhimit të dyshekëve.
Pronari i TehnoBurimi, Burim Fazliu, ka nënshkruar kontratën me drejtorin e Comodita, Eroll Shabi.
Kjo fabrikë do të jetë hapësirë punuese për fillimisht 2500 punëtorë.
Fabrika e quajtur New Ventius është pozicionuar në fshatin Skivjan të Gjakovës dhe dallohet për arkitekturën moderne që përkon me standardet e larta Europiane.
Në vetëm një ditë brenda këtij objekti, do të finalizohen 10000 dyshekë, 4000 mbishtresa dhe 12000 jastëkë me destinim për export në Europë.
