Policia ka raportuar për dy raste të dyshuara të bazuara për organizim i skemave piramidale dhe bixhozit të paligjshëm në Prishtinë dhe Gjakovë.

Në Prishtinë, është arrestuar i dyshuari mashkull pasi njësitë policore në lokalin e të dyshuarit, si prova materiale kanë konfiskuar dy shtëpiza kompjuteri, 289 euro para të gatshme dhe 11 tiketa të lojërave të fatit.

Me vendim të prokurorit i dyshuari është dërguar në mbajtje për 48 orë.

Ndërsa në Gjakovë, njësia përkatës policore ka shoqëruar tre të dyshuar meshkuj nën dyshimin e bazuar se kanë organizuar lojëra të fatit.

Me vendim të prokurorit njëri nga të dyshuarit është dërguar në mbajtje, ndërsa dy janë liruar në procedurë të rregullt.