E mbijetuara e dhunës seksuale, Claire McFarlane, sot do të vrapojë 16 kilometra në qytetin e Prizrenit, në mënyrë që përmes sportit të kontribuojë në diskutimin rreth dhunës seksuale.
Kjo u bë e ditur me anë të një eventi të organizuar në rrjetin social Facebook, ku bëhet thirrje që të bashkëngjiten të gjithë njerëzit që dëshirojnë.
McFarlane ka zgjedhur Prizrenin si vendin e 48 për të zhvilluar nismën e saj sportive, “Footsteps to Inspire”, kjo bën thirrje për t’i dhënë fund dhunës seksuale ndaj grave.
McFarlane do të fillojë vrapimin në ora 08:30, duke u nis nga objekti i Kuvendit Komunal në Prizren.
