Këngëtarja e njohur shqiptare, Albina Kelmendi, ka festuar 10-vjetorin e karrierës së saj muzikore me një ngjarje të veçantë, e cila u mbajt në Klan Arena, mes miqve të saj dhe artistëve të njohur shqiptarë. Shkruan Gazeta Projekti.
Gjatë këtij eventi, Albina prezantoi albumin e saj më të ri, i cili përmban edhe videoklipe për çdo këngë, duke i dhënë një dimension të ri projektit të saj muzikor.
Një nga momentet më të veçanta të mbrëmjes ishte performanca e saj me këngëtarin dhe kompozitorin e njohur Armend Regjepagiqi, një duet që emocionoi të pranishmit.
Ky bashkëpunim artistik u shqua për energjinë dhe harmoninë mes dy artistëve të mëdhenj, duke e bërë performancën një nga pikat kulmore të festimit.
Albina Kelmendi, e njohur për vokalin e fuqishëm dhe për interpretimet e saj unike, është konsoliduar si një nga emrat më të rëndësishëm të skenës muzikore shqiptare.
Festa e 10-vjetorit të karrierës së saj përfaqëson jo vetëm një retrospektivë të arritjeve, por edhe një moment për të shënuar kapitullin e ri në rrugëtimin e saj artistik. Të gjithë albumin e saj muzikorë e gjeni në platforemen “Youtube”.
