Analistët e njohur televiziv të RTV Dukagjinit, Ermal Panduri, Fidan Rama e Arben Ahmeti nuk do të jenë më bashkë.

Rama e Ahmeti pritet të jenë pjesë e një projekti të ri televiziv, duke braktisur Dukagjinin pas 6 vitesh të kaluara. 

Lajmin e ka dhënë Ermal Panduri duke konfirmuar ndarjen miqësore. 

“Në vitin 2014, ateherë kur mu besua drejtimi i RTV Dukagjini, vendosa që të krijoj një ekip, që do ta dergonte në një tjetër nivel këtë medium!

Vetëm pas pak ditësh, i ftova të më bashkangjiten në ekip dy shoket e mi, të cilët në atë kohë punonin në një medium tjeter!

Fidan Rama po rikthehej në Dukagjin, Arben Ahmeti, përpos shok i imi, nga ateherë do të beheshim edhe kolegë!

Kështu edhe u kompletua 5-shja e bordit të drejtorëve! Dardan Belegu, Edita Doli, Fidan Rama, Arben Ahmeti dhe unë!

Për 6 vjet, më shumë se nga 16 ore në ditë kemi kaluar bashk, me një qëllim të vetëm, për ta shtyer përpara projektin e RTV Dukagjini.

Sot, pas këtij rrugetimi, dy shoket e mi, Fidani dhe Arbeni, po vazhdojnë në projektet e radhës!

Faleminderit që ishit pjesë e ekipit tim!

Ka qenë prej pjesëve më të bukura të jetës!

Përjetë falenderues” thuhet në njoftimin e Pandurit.