Një mbrëmje festive do të mbahet më 28 nëntor në Ballhaus Rosenheim, Gjermani, për të festuar Ditën e Flamurit Shqiptar, që përkujton shpalljen e Pavarësisë së Shqipërisë më 28 nëntor 1912. Për t’i dhënë gjallëri kësaj mbrëmjeje speciale, i ftuar do të jetë këngëtari i mirënjohur shqiptar Labinot Tahiri – Labi, i cili me performancën e tij pritet të krijojë një atmosferë emocionuese dhe të mbushur me krenari kombëtare për të gjithë pjesëmarrësit, shkruan Gazeta Projekti.
Ky event është një mundësi për shqiptarët e diasporës që të festojnë së bashku këtë ditë të shënuar dhe të përjetojnë këngë që mbajnë gjallë traditat dhe kulturën shqiptare. Për rezervime dhe informacione të mëtejshme, të interesuarit mund të kontaktojnë në numrat +49 172 594 8599 ose +49 152 338 738 44.
Labinot Tahiri, i cili është i njohur për zërin e tij të veçantë dhe për interpretimet e fuqishme të muzikës popullore dhe baladave, do të sjellë këngët e tij më të njohura për të festuar këtë ngjarje të rëndësishme me bashkëkombësit e tij në Gjermani.
