970×90
970×90

Manchester Unitedi zyrtarizon Diogo Dalotin

Manchester Unitedi zyrtarizon Diogo Dalotin

­

Manchester Unitedi e ka kompletuar transferimin e Diogo Dalot nga Porto.

Futbollisti 19-vjeçar, i cili luan si mbrojtës i krahut të djathtë, ka aftësi për ta mbuluar edhe krahun e majtë të fushës, prandaj Jose Mourinho i ka kërkuar shërbimet e tij.

Djajtë e Kuq kanë paguar 19 milionë funte (21.65 milionë euro) për realizimin e transferit të ri.

Dalot ka nënshkruar kontratë pesëvjeçare me klubin anglez me opsion për ta vazhduar edhe për një sezon tjetër.

Mbrojtësi i krahut debutoi për ekipin e parë të Portos në tetorin e kaluar, ndërsa menjëherë është përfshirë në skuadrën e Portugalisë.

Ai ka regjistruar tetë paraqitje për klubin portugez, para se të transferohej në Old Trafford, ndërsa është transferimi i dytë i Unitedit këtë verë pas Fredit.

“Kalimi te Manchester Unitedi është një mundësi e pabesueshme për mua”, ka thënë Dalot për faqen zyrtare të klubit të ri.

Related posts