Ka nisur zyrtarisht edicioni i nëntëmbëdhjetë i festivalit të madh shqiptar, “Kënga Magjike 2019”.
Artistët që do të prezantohen janë të shumta, teksa skenografia e festivalit i ka mahnitur të gjithë.
Bukuroshja Adrola Dushi është përzgjedhur si prezantuesja e edicionit të sivjetmë.
Në disa fotografi të publikuara në rrjetet sociale para nisjes së natës së parë, modelja është shfaqur tejet tërheqëse e veshur me një fustan të zi, i cili theksoi linjat e saj trupore.
Përndryshe, artistët që performojnë sonte (e mërkurë) në natën e parë të festivalit janë:
Kategoria “Big & Big International”
Aimee Sophia, Anxhela Peristeri, Ardit Çuni, Endri dhe Stefi, Elita Reçi, Erik Lloshi, Fifi, Jehona Sopi, Jason Walker, Marsela Çibukaj, Mar Shine, Olsi Bylyku, Rovena Dilo ft. Fit Man & Rolla, Vitmar Basha, West Side Family;
Kategoria “New Artist & New International Artist”
Alex Alexander, Dario Zela, Klara Doçi, Laura & Elisa Gjipi, Laxxard, Lina Pejovska, Marjona Metohu, Sany, Sharr Braina.
Kujtojmë që “Kënga Magjike” këtë vit është organizuar nën moton “Këndojmë për të ndërtuar”, – që vjen si solidarizim me të prekurit nga dy tërmetet e fundit që goditën Shqipërinë javën e kaluar.
