Lumbardh Salihu po vazhdon të jetë një prej konkurrentëve më të përfolur të shtëpisë së Big Brother VIP Kosova.

Ai së fundmi ka shpërfalur një afërsi të madhe me bukuroshen Alby, e cila është gjithashtu një prej banoreve më të komentuara të shtëpisë së vëzhguar nga kamerat.

Gjatë darkës së të nominuarve të enjten ku të pranishëm kanë qenë të gjithë banorët, ish-futbollisti me origjinë nga Vitia u përball me një pyetje mjaft provokuese, e cila është bërë nga publiku.

“Nëse do të fillosh të kesh ndjenja për Albyn, a do të pengonte e kaluara e saj që të krijosh lidhje?”, ka qenë pyetja drejtuar atij.

Dhe i njëjti u përgjigj duke se profesioni i saj si aktore e filmave për të rritur, nuk do të ishte aspak një pengesë për të krijuar lidhje.

“I vlerësoj njerëzit që kanë pasur një të kaluar të jashtëzakonshme dhe guxim për të bërë revolucion, është e drejta e secilës femër me bë diçka. Ne si meshkuj s’kemi të drejt me i paragjyku. E kaluara kurrë s’ka me pas për mua vlerë, ajo e ka ushqyer familjen e vet me atë punë”, ka thënë pos tjerash Lumbardhi.

Përndryshe, këtë javë në nominim janë të gjithë banorët e shtëpisë së Big Brother VIP Kosova dhe të premten do të eliminohet ai që do të ketë më pak vota nga të gjithë.