Në takimin me strukturat e degës në Prishtinë, zëvendëskryeministri Fatmir Limaj, njëherësh kryetar i Nismës Socialdemokrate, tha se pjesëmarrja e anëtarëve të Nismës në dialogun Kosovë-Serbi garanton siguri, transparencë e prosperitet për vendin.
Limaj tha se faktori politik duhet të jetë i bashkuar kur trajtohen çështjet me interes nacional.
Ai më tutje u shpreh i bindur se parlamenti shumë shpejt do ta votojë rezolutën dhe delegacionin, i cili do të marrë pjesë në bisedimet e fazës së fundit me Serbinë.
“Ne do të jemi të gatshëm për të dialoguar me të gjithë fqinjët e përtej. Nisma nuk do të marrë pjesë në asnjë diskutim ku dëmtohet Kosova. Ne do të jemi aty dhe do garantojmë transparencë, siguri e prosperitet për vendin tonë”.
“Për tema nacionale duhet të bashkohet faktori politik në Kosovë. Unë pres që shumë shpejt parlamenti të votojë edhe rezolutën, edhe delegacionin”./EO
