Basketbollisti legjendar Kobe Bryant do të mbahet mend si një basketbollist i shkëlqyeshëm. Se çfarë njeriu ishte ai, dëshmohet më së miri nga një letër që ai i shkruajti vetes kur ishte i ri.
Ai e shkroi letrën në 20 qershor dhe ia drejtoi vetes si një 17-vjeçar, i cili nuk e di ende se është në pragun e suksesit të madh. Aty ai i jep një këshillë të rëndësishme vetes, transmeton Reporteri.net
Letra është si më poshtë:
“E dashur vetja ime
Kur nesër ëndrrat tua për të luajtur me Lakers do të realizohen, duhet të gjesh një mënyrë për të investuar në të ardhmen e familjes dhe miqve tuaj. Kjo tingëllon e thjeshtë, mund të mendosh se për këtë nuk ju duhet shumë zgjuarsi, por më lejoni t’ju shpjegoj.
Unë thashë INVESTONI.
Nuk thashë DHURONI.
Më lejoni të ju shpjegoj.
Mbase dhurimi i gjërave materiale për vëllezërit dhe miqtë tuaj mund të duket si vendimi i duhur. Ju i doni ata, ata ishin gjithmonë me ju kur jeni rritur, ju duket gjë e drejtë që ju të ndani suksesin tuaj dhe gjithçka që tjetër që shkon me të. Pastaj u blini atyre një makinë, një shtëpi të madhe, ju paguani atyre faturat. Ju dëshironi të jetoni një jetë të mirë dhe të rehatshme, apo jo?
Duhet ta kuptosh se shqetësimi juaj për ta është egoist, ju e bëni atë sepse ndiheni mirë, ju bën të lumtur t’i shihni ata duke buzëqeshur. Ndërsa ndiheshit mirë me veten, ngadalë i morët ëndrrat dhe ambiciet e tyre. Ju u dhanë atyre gjëra materiale, por u morët gjënë më e vlefshme: pavarësinë dhe rritjen.
Ju duhet të kuptoni se ju do të jeni kreu i familjes, dhe kjo përfshin marrjen e vendimeve të vështira, edhe kur miqtë dhe familja juaj nuk do ta kuptojnë atë.
Investoni në të ardhmen e tyre, mos ua dhuroni atë.
Përdorni suksesin, pasurinë dhe ndikimin tuaj për t’i shtyrë ata në drejtimin e duhur për të kuptuar se çfarë po ëndërrojnë dhe të kuptojnë qëllimin e tyre të vërtetë në jetë. Edukoni ata, aranzhojuni disa intervista për punë dhe ndihmojini ata të bëhen udhëheqës në mënyrën e tyre. Inkurajoni ata të të kenë po aq përkushtim sa ju për të arritur në vendin ku jeni tani dhe ku do të jeni.
Me kalimin e kohës, ju do ti shihni ata të rriten në mënyrë të pavarur nga ju, do të kenë ambiciet e tyre dhe jetën e tyre, dhe falë kësaj, ju do të keni një marrëdhënie shumë më të mirë.
Ka shumë gjëra që mund të ju shkruaja, por e di që në moshën 17 vjeç nuk keni durim për 2000 fjalë.
Jeta juaj do të ndryshojë së shpejti dhe gjithçka do të ndodhë shumë shpejt. Lërini gjithçka të qetësohet kur shkoni në shtrat pas nëntë orësh trajnimi.
Më besoni, nëse i vendosni gjërat në fillim, do të shmangni shumë lot dhe dhimbje”. /Reporteri.net
